Ыам ыйын 9 күнэ - Кыайыы күнэ. Бу күнү биһиги өрө көтөҕүллэн, дууһалыын сырдаан, өйдүүн-санаалыын биир буолан түмсэн, Кыайыыны уһансыбыт аҕа көлүөнэҕэ сүгүрүйэ, махтана көрсөбүт. Хас биирдии нэһилиэктэн, түөлбэттэн, дьиэ кэргэнтэн Аҕа дойду Улуу сэриитигэр баран кыттыбыт дьон ааттарын БАЗАҔА ЧОПЧУЛУУР, БЭРЭБИЭРКЭЛИИР, САҤАРДАР, КЭҤЭТЭР, ҮЙЭТИТЭР сыаллаах Сунтаардааҕы оҕо дьоҕурун сайыннарар киин волонтерскай этэрээтэ ыам ыйын 4 күнүттэн сарсыарда 10 чаастан бэйэтин үлэтин саҕалаата. Күндү кылаас коллективтарын, тэрилтэлэр коллективтарын, аймахтар, дьиэ кэргэттэр бэрэстэбиитэллэрин кэлэҥҥит чопчулуур, докумуоннары эбэр үлэни тэрийсиҥ, тахсыбыт кинигэлэри, ахтыылары Базаҕа эбэн үйэлээх үлэҕэ кыттыһыҥ диэн ыҥырабыт!
Билсэр аадырыскыт: Сунтаар сэл., Ыччат дьиэтэ, IT-центр.
Телефоннар:
- Наталья Насырова 89141181421
- Егор Мурзабаев 89142933276
- Руслан Иванов 89241690996